Bacajèr a Pianôr (Parlare a Pianoro)
Turtlein d’na volta
Ai é chèṡ che chi i à ciamè “Blîguel divén” l avéss pròpi raṡån. Com tott i sàn, i turtlèn i èn di fagutèn ed pasta spojja, rimpè d’un inpast ed chèren e cutt in brod ban ed capàn. Prinzipiàn alaura da l’inpast ciamè “al pén di turtlén”. Par si parsàun avi da tor 100 gr. ed lanza ed ninén, 100 gr. ed pett ed tachén, 100 gr. ed parsòtt (grass e mègher), 50 gr. ed murtadèla. Tridè incòsa e mitìla in d’na cazaròla a cùser con un pch ed brod èna fojja ed mlòr. Quand al srà cott (dap un quèrt d’àura) cavè vi la fojja e inpastè incosa con 150 gr. ed fàurma gratè, dau òv, sèl, pavver nàigher a piasàir èna gratadèina ed nusmuchèta. Lavurè adèss pulid ste inpast ed chèren ch’la vèggna totta uguèl e lassèla asrpusèr. Adess fè na spòjja con 400 gr. ed farina e quàter òv e stindèla pulìd con matarèll ch’la vèggna sutìla zirca 1 milèmmeter. Taièla in tan quadrett ed 4 cm. ed lè. In ògni quadarlàtt mitì un poch ed pèn e pichè la pasa a triàngol stricand pulìd i burd dla spòjja tra làaur, inmod da srèr dànter al pèn, adèss ste stiàngol ad mod ed brazadlèina unànd el dau poont, e al turtlèn l’èbele fatt!.
La carsinténa (di Tiberio Artioli)
Par fer la carsinténa
Ai vola aqua livadur e fareina
Una bela armisdè invata al tulir
Tla tir e piata tla fe gnir
Po tmet al gras in tal tegam
Tla frez, tla magn e at pasa la fam
Con salam, copa, grasù e panzatta arudlinè
A tal deg che tfe una bela magnè
Lambrosc o sanzvais bovar et pu
Agnè dè piò bel d’incu
Una bela cantè se t’intunè
Un bes alla to Bela sti innamurè.
Romano Colombazzi
